À L'BOUTIK’ DA PAULA

                Quand dj'aveûs quate-cénq ans, èyèt minme adolescent

                Dj'aleût souvint à l'boutik’ da Paula.

                Roger èsteût leû unik’ èfant,

                Mi camarâde d'enfance, on z'app'leût ètou " Les Bocas ".

                C'èsteût ètou ène since, èyèt pou sakants francs

                On ach'teût du bûre, du lacia,

                D'èl maquéye, dès oûs, dès pourias.

                Après, on a vindu dès boubounes si apétichants

                Qui dji sins co leû goût, c'est si lon portant.

                Li boune vîye Evélina, tout en triyanant,

                Nos dijeût: Qwè vos faut-i m'n-èfant ?

                Ene bablute, ène sucète, in lard, ène surprîje?

                Combén ?.....Ça f'ra trwès francs dîje.

                P'tit à p'tit, on agrandi l'boutik’ da Paula

                Pou fé ène supérète qu'on lomeût ça.

                I gn-aveût di tout, minme des timpes Moneta,

                D'èl charcut'rîye, du tchèrbon, des canadas.

                C'esteût pour zèls li dèbut des rûjes èyèt des transes,

                Dji wès co l'boutik’ dins mes souv'nances.

                On sôrteût d'là avou des tchènas plins à ras.

                Dji r'grète li timps où dj'aleûs tint drolà,

                En compagnîye di grand-mére Bertha,

                Dins l'boutik’ da Paula, rue du Louât.

                Boca, Evelina, Gabriel, Paula, Roger, is sont mwârt tèrtous

                Is mon lèyi tout seu, mins on si r’trouv’ra in djoû,

                Vélà au paradis qu'on lome ça.

,