AU QUÈNZE D'AWOUS

                C'èst l'fwère à Châlèrwè.

                Ci n'est pus l'fièsse d'awous' du timps passé,

                Mins tout candje, i gn-a rén à fé, ma fwè.

                Dj'é beau wétî d'tous les costés,

                Dji n'ritroufe pus les céns qui mindjît du feu.

                Ly toûrnikèt à tchaines, ni l'train à vapeûr.

                I faut vîr lès qu’és tchinisses qui gn-a asteûr,

                Ça va tel'mint râde qu'on aureût bén peû.

                Avou m'moman, on passeût d'abôrd dire ène priyêre

                À l'chapèle St Antwène, d'vant d'ène n'aler d'su l'fwêre.

                I gn-aveût des barakes dins tous les cwins.

                On mindjeût in paquèt d'frites èt in cèrvela

                On s'achideût à ène tèrasse in p'tit momint,

                Profitant insi des dérins rèyons d'solia.

                Dins l'timps, i gn-aveût in kioss’ avou dès fénomènes,

                Du catch,dès concerts, lès tchanteûs si r’lèyînent dins l'arène.

                C'esteût l'ducace des grands èyèt des p'tits.

                Dji'm dimande si lès djins ont co ostant d'pléji ?

                Asteûr qu'ons èst pus vîs, c'est no dérin toûrnant,

                Li progrès fét d'awous' des souv’nances di nos vingt ans.

                Si on n'a nén profité dins s'djônèss’,

                Tant pis, on li r'grèt'ra toute si vieillèss’.

                Bén qui, pour mi, li fwêre èst l'véye.

                On a p'tète co d'vant nos sakants bèlès anéyes ?

                Pou amwinner nos arières pètits-èfants

                Qui, in djoû, à leû toûr, racont'ront leû souv'nances d'antan.