C'EST BÉN L'VÉRITÉ

                Vos avèz toudis bouté sins r'lache

                Sins jamés sondji d'doner vo place.

                Ene monjone toudis bén r'nètchîye

                Minme les djoûs qu' vos èstîz aflachîye.

                I gn-a l'buwêye avou les lokes à r'poli

                Eyèt sondjî à fé l'mindji.

                Après, c'èst l'véssèle des bidons,

                Eyèt courru pou les comissions.

                Pacôps i vos faut sondjî au zè fleûrs du d'jârdén,

                Ou rôyî les cruwaus, çu qu' persône ni vout fé.

                Sins compter les rûjes quand on èst èfant

                Eyèt les problèmes div'nant adolescent.

                Tout çoulà c'èst l'bèsogne d'ène moman

                Sins rouspèter, ni sins d'mander in franc.