C'EST-IN  SEPTIMBRE

                Dins l'timps, in septimbre, c'èsteût l'ducasse du Louât.

                C'èst l'mwès ou lès djônes coqs r'tinglît leûs pènas.

                Li comité passeût dins toutes les monjones,

                Pou z-awè dès p'tit liârds, par-ci par-là, pou l'organisâcion.

                On mèteût des fleûrs au monumint avou les patriyotes.

                Les feûmes èstît binaûjes di moustrer leû nouvè cotte.

                Qu'i ploufe, qu'i nîve, qu'i tone,

                I n'esteût nén question d' fayî aus zè tradicions.

                On aveûs bén du pléji à noss' pètite dicausse,

                Tèrtous on pèrdeût condjî pou fé ène pôse.

                On commandeûs d'èle taute au riz, à l'crème ou au caurin,

                Et on inviteûs tous les vijins.

                I gn-aveût ène balancwêre, in tir à pupes, dès d'tombolas.

                Des concours di totes sôrtes.

                I gn'aveût d'èle bâbe à papa,

                Des bingnèts, des peumes d'amoûr, du pèket.

                Les djouweûs d'cautes gangnît des chôcolats

                Des saucisses di tchfaux, dès oûs cu deur.

                On buveûs no preûmi Coca-Cola.

                Ene camionète difuseût d'èl musike en patwè.

                Qu'i ploufe, qu'i nîve, qu'i tone,

                Rén n'remplaç'ra l'âme di no têre wallone!

                Faut-i d'è rire, ou bén faut-i d'è brére,

                Di vîr qui tout toûne à rén ? Enfin, vaut mia s'tére

                Peû di mau d'viser.

                En ratindant, l'dicausse du Louât, c'èst du passè.