C'EST M' N'AVIS

                Dins l'vîye, i faut sawè chwèsi sès camarâdes.

                Mins quand t'es dins l'pètrin is spit'nut râde,

                Tu n'èn trouve pus branmint,

                Surtout quand i faut in caûp d'mwin.

                Li djoû qu't'as rèussi à t'dispètrer,

                Adon îs dîjent-nu tèrtous:

                Pouqwè ç'qui t'n-as nén d'mandé?

                Tu sés quand minme bén

                Qui tu pous compter d'sur nous.

                On n'èst come deûs fréres, tè l'a rouvyi ?

                On est nén come tchèt èt tchéns.

                Vos estèz bén seûr come mi:

                Seûr qui vos avèz dèdjà étindu ça ène sadju.

                In pléji pou rén èyèt avou l'cœûr, compte toudis d'sus.

                On va djusqu'à t'sèrer l'mwin

                Tout ossi fwârt qu'on t'wès èvi.

                Eyèt i gn-a branmint d'pus d'djins

                Insi, qu'on pinseût yièsse tès amis.