CONTE D'AMOÛR

                M'chèrîye, v'nèz vos coûtchi à costé d'mi,

                Fèyons come quand nos avons cominchi.

                V'nèz qui dji vos donne d'èl tindrèsse

                Ça  rapèl'ras ène miyète no djônèsse.

                Dji vos wès si voltî, m'n-amîye

                Vos estèz, pour mi, toute mi vîye.

                V'nèz, qui dji vos chuch'lote dins l'orâye

                Des mots d'amoûr à dike èt dâye.

                On a tél'mint spotchi des rûjes échène,

                Qu'ons a l'drwèt, i m'chène,

                Di s'tènu sèré in p'tit momint,

                Eyèt di s'rèbrassî come dins l'timps.

                Toute nos vîye nos avons fét li minme tchumin

                En nos tènant toudis pa l'mwin.

                C'èst pouqwè, feume, v'nèz vos coûtchî à costé d'mi.

                Fuchons échène, paûjères dins l'lét

                Lèyèz-m co vos tchôrloter.

                Si vîr voltîye, c'èst si bia à viker

                Dj'èspère qu'à vous ètou ça pou vos ariver.