COUSIN PICSOU

M'cousin èst miyionère

Vo'm dirèz, c'èst-ène boune afêre.

C'èst l'vré qu'i gn'a des céns qui l'vîye leû sourit bén.

Des liârds, i ly ène a tcheû di tous lès costés

Des éritances et ène boutike qu'aleût bén.

Dj'èsteûs li p'tit gâtè, qu'on a leyi tchér d'su l'costé.

Vos savèz, les ritches, on n'lès vaut nén

Dj'é stî traité come un tchén,

Pasqui dji n'vineûs nén souvint

Rinde visite à mes cousins.

Seûl mint,avou leû caractère sectère

Tu n'saveûs nén comint tchère.

I faleût chèwsi l'eûre éyèt l'djoû

On n'saveût dj'a dire si c'ésteût leû goût.

Quand on est djône, on a s'mèsti

Dji n'aveût nén branmint d'timps pour mi,

Pourtant, dj'adoreûs m'couzène

C'ésteût por mi éne vréye marène.

C'èst-ène partîye di m'djônèsse

Qu'on z-a foutu pa l'fégnièsse.

R'niyi sins comprinde pouqwé

Dj'aveûs p'tète éne tièsse qui n'l'y r'vinît nén ?

Mins, dj'ème co mia viker p'tit'mint

Eyèt yièsse véyu voltî di mès copins,

Qui d'y yièsse plin aux-as

Eyèt persône pou véyi d'su t'carcasse.

Quant leûs vîs djoûs arriv'ront

Adon, is compeurdront.