D'SU L'BOBOLE

                Dins l'timps, d'su l'Bobole,

                On n'aleût djoûwer après li scole.

                À costé d'Pirontchons, i gn'aveût in bos,

                Où  coureût in p'tit richot.

                On ètindeût tchanter lès pésons,

                Lès mésindjes èt d'zautes mouchons.

                Dès moukèts fèyît leûs rondes;

                Is èstît d'su èn' sorî en trwès s'gondes.

                Lès alouwètes montît dins l'cièl,

                Et s'lèyît tchér' come dès gurzèles.

                Dès p'tits lapéns chuvît leû mére,

                Mindjant dès pichoulits amérs.

                C'èsteût si guéye di vîr tout ça.

                C'èsteût si bîa li nature à ç'timps là !

                Asteûr, toute èl vîye èst disrégléye.

                On n'wèt pus dès nutons à l'vièspréye.

                Lès papiyons sont div'nus rares.

                Lès mouchons ni tchantent- nu pus, i fét mwârt.

                Tout çoulà à cause du progrès èyèt s'polution.

                À crwêre qui l'monde è va à s'pèrdicion.