DINS L'GURNI

                In djoû i m' a v' nu dins l' tièss’ di pougnî

                Sakants-eûres bén à m' nôje dins l' gurnî,

                À l'cache dès souv' nances di mes anèyes di CPAS.

                Dins lès clabots et lès ridants d' ène drèsse

                Dji r' troufe sakants afères et dès bwèsses.

                Dji dwèt vos dires qui pour mi ça stî l' fièsse.

                Tous lès rapaûrts di réunion

                Dès artikes, dès comptes, dès fotos di mès compagnons,

                Qui dj' é mis d' costè tout au long dès anèyes,

                Dès boukets di dossier avou dès pinsèyes.

                Si dj' i pouveûs r' fé in comité

                On poureût s' rap'ler ces bons momints passé!

                On a tèrtous ses p' tits secrèts

                Qui sont souvint fé d' souv' nances,

                Eyèt on a toudis l' espérance

                Di raviki èl timps passé en skètant un p' tit pèkè.

                Allèz mes amis,essayons di nos r' trouver

                In côp par mwès,

                Pour mi, ça s' ra ène grande djwès

                Di chouter çu qu' vos allèz nos raconter.