DINS  M'TIÈSSE

                I gn-a dès souv'nances qu'on r'mûwe voltî

                Eyèt d'z-autes qu'on voreût roubliyî.

                Dj'adôr’ ranchî dins m'mémwêre

                Tot ç'qui a fét m'bouneûr dins m'payis nwêr.

                Asteûr qui dji seûs-ston long

                Çoula m'chène co pus bon.

                Mi coeûr bat à dju d'alène

                Quand dji scrîs ène istwêre d'sus Faurcènes.

                Dji r'pinse aus  djwès qu'dj'a connu

                Avou toutes leûs imâdjes qui r'passent-nu.

                Dji r’wès co l'Sambe trinnant s'rôbe di satin

                Dins l'brouyârd timpe au matin.

                Tous les p'tits bètchs maraudés dins m'djônèsse

                Rispassent-nu dins m'tièsse.

                Ces istwêres d'amoûr sins lèd'mwin

                Qu'ont passé t'ossi râde qui passe li timps.

                I gn-a nén in cwin qui n'a nén si p'tit scrèt,

                Ni ène pîssinte qui dji r'wès,

                Dins l'cinéma di m'tièsse.

                À si d'mander pascôps si on n'divént nén bièsse.