DJI M' SOUVÉNS DI SINTE-BÂBE

                In début décembre, vlà qui dj'mastoke

                Pad'vant l'toûr du Roton.

                Aneréye dins l'payisâdje di no payis wallon.

                À l'Sinte-Bâbe, èl esteût toute iluminéye.

                Dins l'coû d'èl fosse, si statûwe èsteût èxpôséye.

                Les ouyeûs avît candji d'froc

                Pou d-aler au cortége dins l'vilâdje.

                Asteûr, ç'èst disparu, c'est bén domâdje.

                Lès dérins à r'monter du fond

                Estî t'ossi nwârs qui du tchèrbon.

                Après l'sôrtiye, on continuweût au cabarèt du cwin.

                Ça dureût mwints côp djusqu'au lèd'mwin.

                C'esteût l'fièsse d'in courâdjeûs mèstî.

                Pouqwè a t-i falut qu'ça finiche insi ?

                Ça fét du bén di s'rap'ler s'timps passé.

                Sinte-Bâbe, mi Nwâr Payis, ni vos rouvîy'ra jamés.