DJI SEÛS D'FAURCÈNES

        Dji seûs d’in ptit vilâdje

        Qu’on lome Faurcènes.

        On d’vîsse in bîa lingâdje,

        On s’comprinds tèrtous èchènes.

        Dins l’timps, i gn’aveût dès tcherbonâdjes

        Dès industrîyes èyèt dès fondrîyes,

        Dès cînces èyèt dès cantines au Wainâdje.

        I gn'aveût d’èl bèsogne pou toutes lès famîyes.

        Dins m’tièsse dji r’wès tout çoulà

        Eyèt ça m’chène si bîa

        Di r’vir dins mès rêfes, li Louât

        Li Monciat, les Aulniats.

        Dji rêveûs tant,di r’trouver mi ptit vilâdje

        Après dès si long mwès d’wèyâdje.

        Asteûr qui dji n’seûs pus si long

        Ça m’chène si bon,

        Di r’vîr di timps in timps

        Les anciyîns èyèt lès copîns

        Pou taper ène dèvisse

        En ratindant qui diâle nos apisses