DROUVIÈZ  VOS OÛYES

                Les pwènes sont pus lèdjères quand on est deûs.

                Adon pouqwè vos obstiner à d'mèrer tout seû?

                Si, à costé d'vous, l'amoûr passe, i faut dè profiter,

                Vos avèz co dès bèlès anèyes à viker.

                In ginnè, c'est-in bossu, pouqwê nén tanter l'aventur' ?

                Minme si dès chagrins d'amoûr vos ont lèyi dès blèssur's.

                Vos pinsèz qui c'èst-in crime di vîr voltîye

                Eyèt qu'aus îs dès autes vos d'vèz d'meurér catchi ?

                Alèz, r'perdèz vo n'av'nir d'su l'bon tch'mwin,

                Ene djintîye coumére vos tind ses mwins.

                Rimèrcièz l'Bon Diè di vos donér ène ange

                Er'fé s'vîye in deûziéme côp, c'est-ène tchance.

                N'èl lèyèz nén passer

                Car li vîye, ètou, ni fét qui d'rider.

                I gn-a pont d'séson pou conèche li bouneûr

                Èyèt pont d'réson di r'sèrer vo cœûr.