Paroles : Lorand Jean Pierre                  Musique : Victor CEULERS

GN’A DINS NOS BIÂS VILÂDJE

Gn’a dins nos bîa vilâdje ça sti in vèrdi Saint

Qu’in gros gamin èst né i niveût d’su lès tchw’mins

Mi vîye grand-mère m’a pris pou mète dins in drap d’mwins

Après ça sti m’moman qu’m’a pris pou m’doner l’sein

Gn’a dins nos biâs vilâdje ène sicole di banbins

Dji é stî sakants ans pour mi yièsse pus malin

Ça c’èst seûr quand dji s’ré grand mi dj’apurdré l’latin

 Dj’èsteûs l’dérin à l’queûwe pasqui dj’èsteû flaminds

Gn’a dins nos bîa vilâdje sakants pètits sentiers

Dj’èmeûs estant scolî mi d’aller paûrmwinner

Gn’aveûs branmint dès zâbes pou d’aller maraûder

Avou tots lès copins nos d’alîz lès scroter

Gn’a dins nos bîa vilâdje dès fîyes à fréquenter

Mi quand dj’é yeû sèze ans dj’é vlu bén m’amuser

Dj’aveûs trouvé ène fîye qui vl’eût tot tchûte s’marier

Mins dji l’è lèyi là pasqui dji ni pinsèz nén

Gn’a dins nos bîa vilâdje dès fleûrs pas tot costé

Lès roses èt lès djonquîyes ça c’èst mès préféréyes

Quand li grand djoû véra ça s’ra pou m’bien aiméye

Avou dji m’présint’réz ça f’ra pus distingué

Gn’a dins nos bîa vilâdje in sèm’di l’èsté

Li gamin eu vingt ans i s’a quand minme marié

Ça sti l’fîye dèl vijène qu’a sti si destinéye

Dès èfants i n’da yeû crwèyèz-m tote ène tricléye

Gn’a dins nos bîas vilâdje du bouneûr à mèch’ner