HOMMAGE À ROGER MOUSTIER

                À mon chère camarade avec qui j'ai partagé les planches du

                théâtre wallon, décédé en novembre 1998 à Farciennes.

                                ********************

                Mes djins, dji seûs st'èvoye bén long di d'çi

                Dins in payîs qu'on lome l' paradis.

                Dji vouleût nén qu'on dîje ène n'afêre d'sur mi,

                Mins m' n'ome i l'a toudis ène n'saqwê à scrire d'su

                n'inpôrte qui.

                Ma fwè pusqui ça li plé bén, èyèt qui dji seûs bén

                couchi, dji m'va l'chouter.

                I va sûr'mint raconter qui dji vos zé fét rire

                Tout au long di m'viquérîye,

                Qui dj'é djoué, tchanté, avou les Chevaliers d'là Gaité,

                Qu'on z-a fét du thèyâte, des cabarêts pas tout costé.

                Olé mes fesses...ni véns nén chafiyî d'su mès folîyes

                d'Oignies, ou bén expliquer mes tampones qui dji ramasseûs

                en fèyant mes tournèyes avou mès bires dilé mès chèrîyes!

                Eyèt puis.....Estelle esteût  d'acôrd

                C'est pou ça qu'èl esteût m'trésôr.

                Mès djins à triviè l'vwês di m'interlocuteûr

                Dji vo dit merci du fond di m’ coeur

                Di m'awê vèyu si voltîye.

                Vos aplaudich'mint estînes pour mi l'sang di m'vîye.

                Si vos vèyi m'tchaud èyèt mès ochas

                Comme is sont div'nu raplapla!

                Mins.....li chaûmière di l'amour

                Ça y est, dji vént d'èl trouver à m'tour.

                Yin d'cès djoû on si r'vira èyèt on aura ène paûrt di plégi.

                No buvrons in verre d'sul tèrasse di l'hôtel Dieu

                Droci avou tous les copins du ciel.        

                La r'lève est asurèye, èyèt cô merci di m'awè aplaudi

                En ratindant....chut....fèyons silence, l'thèyâte va cominci.

                Aujourd'hu c'est mi qui lève li rideau, èyèt qui va vos rwêti.