Paroles : Lorand Jean Pierre          Musique :

LES CLOTCHES DI NOWÉ

R :   Lès clotches ont tinté ène miyète d’vant mègn’nut

        Pou nos annonci qu’ène èfant nos èst v’nu

        L’istwèle du bèrdjî asclèri li grand tch’min

         Pou v’nu djusqu’à ci priyî l’pètit gamin

        Maugrè l’vint èyèt l’freus dji seûs v’nu à pîds

        I gn’a rén au monde qu’areût pus mèspétchî

        Di tchanter s’vènue avou tots lès amis

        Di fièster nowé à l’môde di m’nwêr payî

        In Sauveu nos èst v’nu èvoyî du cièl

        Tchantons tèrtous si djwè avou l’Père Noël

C1   Li bîje chufèle dins lès ruwèlles

        Li djaléye roudji mès machèles

        Tots costés lès djins font révèyons

        Mins mi dji’n ratéye jamés l’occâsion

        Di v’nu à mèss’ assister à l’fièss’

        Tant pis si on m’dit qui dji seû st’ène bièss’

C2   Dj’é vèyu lumer dès tchandèles

        Intindu dès céns qui ronfèlent

        St’auré pad’vant leu télévision

        Dès zautes s’adonn’nu à leu passion

        Autou d’ène grande tâbe pou fé bonbance

        C’èst l’môde d’asteûr, on rit on danse

C3   Di nos vîs timps c’èsteût l’tradicion

        Li monde d’asteûr va à s’pèrdicion

        Nos d’allîz à mèss’ tote li famîye

        Du p’tit Jésus mi dji m’è rafîye

        C’èst biâ nowé quant on véns l’tchanter

        Ly, èt sès parints vont nos chouter….