LES MINISS’S

Asteûr qui gn-a pus rén qui va

Is voul’nut rèchu du bâtia come dès rats,

En foutant bén seûr li dosséye

Mins…D’su l’compte dès zautes .

C’èst qui nos donn’rît co bén dès l’çons

D’su mil èt yiène façons

Di s’occuper di no djoûrnéye.

Pou zèls i faut yèsse compétitif,

À paûrt nos salaires qui dwèt nén yièsse excessif.

Donc i no faut fé dès restrictions

Pindint qui zèls cachent-nu dès compromissions.

Tout l’monde n’èst nén d’acaûrd là-d’su

Surtout çu c'qui n’va pus.

C’èst qui chake miniss’ vous spaûrgnîz

Mins…d’su l’compte dès zautes.

Is ont tèrtous plein d’projèts

Pou boukler leû budjèt,

I suffit d’trouver dès miyârds

Mins co toudis d’su l’compte dès zautes.

Pou zèls i gn’a qu’ène façon di r’trouver dès liârds

C’est pougnî dins l’boûsse d’èl populâtion,

I sauv’ront insi leû réputâtion.

Mins ça s’ra co toudis l’ouvrî qui s’ra s’pochî

Tous mès omes ont d’vreût lès pintes dins l’gurni.

                                                                       Sabam le 28/04/93   N° 202470 L