LI CAF'TIÈRE DA DJOSÈF

                El vîye caf'tière di m'grand-pére

                El poureût raconter dès afêres.

                Lèye qu'a assisté à toutes les conversâcions

                Eyèt rimpli des jates à l'unisson.

                C'èsteût in cadeau di leû mariâdje

                Fèyant partîye du trousseau du mwinnâdje .

                In cadeau qu'adon on f'yeût du cas

                Puisqu'èl èsteût toudis à tâbe à chake repas.

                El a vèyu tous les baptèmes, tous les ètermints,

                Assistè à toutes les fièss’s èyèt les festins.

                Si place esteût à costé du ramponeau

                C'èst l'plate-bûse qui l' tèneût au tchaud.

                El aveût ène couleûr roudje en émayé

                On aveûs bén peû d'èl poker.

                Si l'caf'tière pouveût berdèler

                Dj'èl chout'reût avou passion.

                Asteûr, ç'n'est pus qu'ène fèrâye

                Qu'in ramasse-poussière.

                Mins dj'î téns come à mes deûs orâyes.

                Et puis èl a ène si longue carrière

                Qu'èl a bén gangnî di si r'pwâser.

                Djè li scure come si c'èsteût in trésôr,

                Car pour mi èl vaut pus tchêre qui d'l'ôr.

                Gare aux voleûrs qui vorînent m'èl sicroter.