LI MÂRTCHI D'ROYÉE

                        D'sus l'mârtchi d'Royée

                        I gn-a nén grand chôse.

                        On n'vind nén des tchapias

                        Ni des costumes

                        Mins on pout trouver des bons canadas

                        Eyèt toutes les sôrtes d'agrumes.

                        Li mârtchi atir’ les djins d'Tergnée

                        Quand l'timps n'est nén morôse.

                        On vént avou s'grand tchèna

                        Ça fét partîye des coutumes.

                        On l'rimplit d'sakants botes di poûrias

                        Sins roublîyi dès autès légûmes.

                        S'i gn-a nén grand chôse

                        Dissus l'mârtchi d'Royée,

                        On vént pou si r'trouver

                        Pou fé ène pètite pôse,

                        Eyèt ça candje les idèyes.

                        I l'a quand minme li mèrite d'èxister

                        Et mèrci à tous les céns qu'l'ont invinté,

                        Aléz! mi, dji r'véns l'samwène qui vént.

                        Nos buvrons toudis in bon vêre

                        En ratindant nos couméres.