LI  TCHÈNE DU LOUÂT

                Lôrs di m'dérin wèyâdje

                À l'ocâsion di mès cénquante ans d'âdje,

                Dins m'chère walonîye

                Qui dji l'ome m'chérîye,

                Dj'é pris ène vôye qui dj'é gripé

                Pou m'rap'ler lès souv'nances du timps passé.

                Li reûwe du Louât qui dji voulêus r'vîr,

                Ces monjones, ces djins et leu sourire.

                Ayîr pourtant dj'aveûs vingt ans,

                L'èpoke où on caresseût l'timps

                Sins pinser aûs-è lèd'mwin,

                Ni sondjî qu'on d'véreût vîs pourtant.

                Dji grippe li tchène en fèyant l'vude autou d'mi,

                En pinsant qui dj'é p'tète gachî m'vîye.

                Branmint d'amis mon d'jà rouvî

                Pourtant dji lès wèyeût si voltîye.

                Dji seûs st-èsoufflé

                Dj'é mès djambes qui triyane.

                Mès djônes anèyes si sont èvolées,

                Tu direûs qui m'cœûr va tchère en panne.

                Li pîre c'èst qui dji n'sés pus où d'aler,

                Pasqui asteûr on l'ome dédjà l'étranger.

                Dispus qui dji seus lon èri

                Tu duvreûs dire qui t'n-èst djà pus di d'ci

                On n'èst nén mwart, mins on èst à mitan etèrré,

                C'èst la vîye come on dit

                Mins ni vlà ti nén qui dj'bré!