LI TOÛRNIQUÈT

        Ça fét sakants mwès qui dj' seûs st-èvoye

        Pou conèche ène aute payis, des nouvèles vôyes.

        Mins quand dji mi r'toûne au long,

        Dj'é co l'poûssiêre di m'Walonîye à mès talons.

        Mi tièss' est come in toûrniquèt

        Tout ç'qu'a fét m'vîye ripass' èyèt r'pass',

        Dji m'wès toûrner come in tch'vau d'bos.

        Mins gn-a rén qu'éface toutes ces traces.

        Quand dji seûs coutchî d'su m'dos

        Li silence d'èl gnût chîle dins mes orâyes

        Des istwêres qui rèchent-nu d'mès entrâyes.

        Pou raconter dès angouches qui ont fét m'timps,

        Pou scrîre ç'qui m'toûrpine pa momints.

        Des rimall'rîyes qui font brotchî dès r'grèts,

        D' z-autes qui racontent-nu l'bouneûr d'awè fét m'chwès.

        Maugré dès longs momints di nwâr èyèt d'gris

        I d'mèr'ra toudis asséz d'incre dins m'plume

        Pou scrîre ène diviss' d'su m'Walonîye.

        Pinséyes èyèt souv'nances gravéyes à vîye.

        Ène auteû  marké come in fiêr qu'on z-a spotchî

        D'su l'bôrd d'ène enclume.