MI CORON, C'ÈST L'CROMBION

                Mi coron, c'èst l'Crombion,

                Dj'ène n'é passé dès anéyes

                À fé des tièsses pèléyes

                Des bâbes, des locions.

                À m'ocuper d'comités èyèt d'fièss’s,

                Quite à n'd'awè des maûx d'tièss’s.

                Dj'aveûs ètou des bons vijins

                On èsteûs vrémint des bons copins.

                Asteûr, avou l'nouvia comité

                I gn-a branmint d'candj'mints dins l'quârtier.

                Ça donne des améliorâcions èyèt des animâcions

                Dji n'poux qu'leû dire: félicitâcions!

                En ranchant dins mes souv'nances

                Dj'é m’cœûr qui s'rimplit d'èspèrance

                Quand dji lis les activitès programées.

                I gn-a pou tous les goûts, toute l'anéye.

                Asteûr, dji ratinds ène aute gnût

                Pou scrîre des sondjes si râde distrûts.

                Qwè vléz! c'èst m'destinéye

                On a viké èchène des bounès pasquéyes.

                Oh! mwins côps dji r'véns sakants djoûs

                Eyèt on a djà nén l'timps d'si r'vîr tèrtous.

                En ratindant, vos plèz mi scrîre

                Enfin, si vos n'd'avèz invîye.

                Ou bén lire l'Arlequin

                Là, on si r'trouve, au mwins, in p'tit momint.