MI N-ÈGLÎJE

                L'èglîje di l'Assomption

                C'èst come ça qu'on l'lome dins m'coron.

                Toudis stampéye, toudis si grîje

                Mins fiêre maugré les ploufes èt lès mwés vints.

                L'clochî tént bon maugré lès bîjes.

                C'èst-in rèfûje pou les mouchons

                Hélas! les pidjons acumulent-nu leûs déjections.

                À l'intérieûr, li plafond grigne des dints,

                Ste Marie, au lawau du stwèlî,

                Dwèt s'dire " Pouqwê l'lèyî l’d'aler insi "?

                Li Curé fét ç'qu'i pout pou s'tchapèle

                À crwêre qui l'diâle coumèle

                Les projèts d'améliorâcion.

                Ou bén, est-ce les liârds qu'i manke pou les travaûx ?

                I faureût d'pus di bounes volontés

                Pou wéti di scaper çu qu'on pou co sauver.

                Li Bon Dié, ètou s'reût bén contint en preumî

                Si les djins r'vérît pou z-î priyî.

                Mins qwè vléz! Li monde toûne à rén,

                Li vîye moderne nos fét rouvyî l'essentiel.

                I sufireût d'ène pougnîye di solidarité

                Ou putète in mirâke qui véreût du cièl,

                Pou qui m'n-èglîje r’trouve ses couleûrs.

                Dimwin, putète, ça s'ra l'boune eûre ?

                In 2019  asteûr dji pou dire qu’ène pounîye di djins

                On pris z’afêres en mwin, l’èglîje a r’trouvé pou in momint

                Ene âme comme dins l’timps

                Du paradis èl père Robert Noël dwèt yèss’ bén contind