MI PÎSSINTE

                Padrî l'djârdin d'mès grands-parints,

                I gn'aveut n'pîssinte ça mi r'vént.

                D'in costé, s'alondjeût ène âye.

                Au mitan, dès cintes, èyèt dès cayôs à r'lâye,

                Dès Rocailles, jusqu'au Amuche.

                Pou li r'monter, dj'aveûs dès rûjes,

                Avou tant d'vîs traûs èt d'royons!

                Li long du meûr dès Denison.

                Dj'émeûs griper dins l'cèrîdjî,

                Pou rwétî m'vîye pîssinte sokyî.

                M'grand-pére Djosêf aveût s'djârdin

                Astokè tout l'long .

                Ça sinteût si bon !

                Lès zièbes côpéyes timpe au matin.

                L'odeûr d'èle tére ritournéye

                Eyèt lès grins tapé à l'voléye.

                Ça a stî in boukèt di m'djonnèss'.

                Lès ans ont spité, mins dins m'tièss'.

                Li souv'nance s'a gravé tél'mint

                Asteûr ci n'èst pus qu'ène imâdje.

                In lîve ètîre, ou dji toûne lès pâdjes,

                Et qui dji mawîye, come in blanc pwin.