MI TCH'MÎJE

                 Ene vîye tch'mîje qui div'neût grîje

                 Brèyeut sès-amèrs toute disbautchîye.

                 On l'aveût tapèe au guèrnî,

                 En ratindant p'tète dèl doner au lok'tî.

                 Ele mwèsi dins ène bwèss'

                 Eyèt s'rapèle ses souv'nîrs di djônèss'.....

                 Quand dj'èsteûs bén blanke èyèt r'polîye

                 Dji wèyâdjeûs tous costés si djolîye.

                 Dj'aveûs in mésse, fiêr' di mi

                 Car dji n'aveût jamés in fau plis.

                 Mwins côps, on m'mèteût ène cravate brune

                 On m'acomôdeût avou in bia costume.

                 Ah, come i l'èst bén long ç'timps-là

                 Quand dj'esteûs r'lûjante come èl solia.

                 Asteûr, dji seûs st-à fèrloches

                 Dji r'chène à ène vîye loque.

                 Dji m'souvéns on m'mèteût in pulovêr'

                 Pou m'tènu tchaud pou passer l'iviêr'.

                 On mèteût minme di l'odeûr d'sûr mi

                 Eyèt d'l'amidon pou m'fé durci.

                 Téns! Djètinds ène saquî ......

                 Bén, on èst entrin d' m'apougnî!

                 Ha! c'èst là qui t'estèûs!

                 Dj'é bén cachî après twè!

                 Dji m'va t'foute dins l'machine à lâver

                 Eyèt t'fé bouyî à nonante dègrés!

                 Après tout djè l'mètreût co bén

                 Pou travayî au djârdén.

                 Enfin, dji vas fé ène aute cârière

                 Eyèt pouvwêr' respirer l'boune air.

                 R'trouver ène miyète di couleûr

                 Et ré-ètinde les bat'mints d'in cœûr.