MI VILÂDJE

                Dji seûs d'in p'tit vilâdje

                Qu'on lome Faurcènes.

                On î d'viss' co no vî lingâdje

                Qu'on comprind co tèrtous èchène.

                Dins l'timps, i gn'aveût des tchèrbonâdjes

                Branmint d'boutikes, ène fond'rîye,

                Dès cînses, èyèt ène cantine au Wainâdje,

                D'èl bèsogne pou toutes les famîyes.

                Dins m'tièss', dji r'wès tout  çoulà

                Eyèt ça m'chène si biâ,

                Di r'vîr dins mes rèfes mi Louât

                Li Moncia, lès Aulnias.

                Asteûr qui dj' seûs st-au long.

                Si vos saurîz qui c'est si bon,

                Di r'trouver si p'tit vilâdje

                Après dès mwès d'vwèyâdje.

                Di r'vîr si famîye, sès djins

                Et di s'doner n'pougnîye di mwins.