MOMAN, C'EST VO FIÈSSE

                Boune fièsse, m'chère moman !

                Nos v'nons, tous vos èfants,

                Vos apwârtéz des fleûrs di tindrèss'.

                On vout vos gâter l'rèstant d'vo vièillèss's

                Nos souwêtons qu'vos fuchîjes co longtimps

                Avè nous, pou conèche l'agrémint

                Di vîr grandi les p'tits èfants d'vos gamins

                Et di vos vîr les paûrmwinner tous les matins.

                Boune fièsse, m'chère moman.

                C'èst-à vo toûr di vos fé tchôrloter

                In djoû d'gaîté, qui nos alons tèrtous fièster

                Car on vos aime tant.

                On n'a p'tète nén toudis sti djintil

                Vos nos avèz portant souvint pûni.

                Mins dins vo cœûr, nos èstîs vo bouneûr.

                Et i gn-aveût jamés in supçon d'rancoeûr.

                Boune fièsse, m'chère moman !

                Nos èstons v'nus les p'tits èyèt les grands

                Pou vos dire combén on vos wèt voltîye.

                Et lèyèz-m' vos rèbrassi èyèt vos dire:  Mèrci!