MOMAN        

Vos m’avèz donné l’vîye

Eyèt dji vos zè r’mèrcîye

C’èst grâce à vos qui dj’é ène viquérîye

Qu’a cominci in gamin’rîye

Vos vos souv’nèz d’mès preûmi pas ?

Dji vos doneûs tant d’tracas

Vos èstîz toudis à l’afut

Pou n’né qui dji fèye du rafut

Quand djé comînci à n’aller à 4 pattes

Vos èstîz d’su vos gârde

Eyèt dj’é grandi tout douc’mint

Dès raguèdènnes dj’è féyeût branmint

Après èst v’nu l’timps di div’nu scoli

Vos èstîz là pou m’ècouradjî

Dj’é minme in djoû sti preumî

Ca v’leût dire qui dj’aveûs attrapé d’èl maturité

Pou t’nu tièss’ à no société

In djoû dji m’é marié

C’èst co vous qui m’a mwinné

Vos èstîz si fiêr di vire vo n’èfant

En èspérant di vîre in djoû dès p’tits brigants

Qui vos pourrîz prinde dins vo brès

Pou vo fé souv’nu di toutes les jwès

Qui vos avîz connu avè mi

Eyèt dès sèrâdes ètou timps swè dit

Maugrè vo n’âge moman

Vos sumèz co bén du bouneûr

Qu’on fuche pètit ou bén grand

On a toudis dandji d’ène moman

Eyèt vos s’rèz toudis dins m’coeûr. 

                                                                        Sabam le 29/10/91   N° 184824 L