NOVÈLE ANÉYE

                Co ène anéye di woute, qu'on tass'ra dins in cwin.

                Après lès fièss's di fén d'anéye,

                On si r'mètra à compter lès djoûs au mwés léd'mwins.

                Car avou tout ç'qui s'pass', ci n'èst nén toudis guéye.

                Portant i nos faut co viker,

                Gn-a pont d'avance di s'laminter.

                Bén seûr qui l'anéye èst passéye

                Faura avou l'aute pourchûre si destinéye.

                Maugré l'timps pacôps disbautchant,

                Maugré les rascrôwes du pwès d'ses ans.

                Avou zèls, c'èst s'djônèss' qui fout l'camp,

                Eyèt l'vièyess' qui vént en rampant.

                Passant d'vant l'mirwè, dji m'é rwéti.

                C'n-èst nén possibe di div'nu insi !

                Et bén, m'fi, ç'côp-ci t'ès bén candji.

                C'èst ç'qui dji m'é dit.

                Si dji cach'reût l'mirwè dins in cwin,

                Avant di r'chèner à in vî strin

                Ca s'reût bramint miâ !

                Pouah, ça m'disgouss'di vîr come in mauyia.