ON SI D'MANDE MWINS CÔPS

                On si d'mande mwints côps si l'monde est maû fét,

                Quand on n'wèt pus, à l'tévé,

                Qui des tûw'rîyes, d'èl droke, dès saloprîyes

                Dès fusiks, dès bombes, du sang come à l'bout'chrîye.

                Gn-a t-i nén mia à fé?

                Quand on wèt dès èfants malâdes,

                Avou des djambes aclapéyes à ène emplâte.

                Gn-a t-i nén in djoû qui ça va arèter ?

                On dispinse des liârds à des bièstrîyes,

                Et i gn-a d'djà pont d'vac'cin pou z-arêter ène épidémîye.

                Dins branmint d'payis qui gn-a dèl nwêre misére,

                On n'ème mîa subvintioner les guèrres.

                I faureût mwins côps wêre di chôse

                Pou qui l'têre ni fûche pus si morôse.

                Li Grand Sint, qui rivéreût pou nos d'mander

                Pouqwè ç'qu'on l'a clawé dissu ène crwès ?

                À ç'momint là, i l'aura p'tète compris

                Et i poura cachî d'fé tout candjî.

                À crwêre qu'à ç'timps là

                Les djins n'avînes rén dins leû tièss'.

                Asteûr, quand on wèt tout ça,

                On s'dit ètou qu'is sont co pus bièss's.

                En ratindant d'mwin, d'autès tchots mour'ront

                Eyèt les mames bréront.

                I d'è pass'ra co d'l'eûwe pad'zou lès ponts

                Avant qu'on n'trouv' des solutions.

                On nos d'mand'ra co d'fé des dons

                Sins sawè si les liârds ariv'ront pou d'bon.