SINT LOUIS

C’èst l’sint qui nos avons chwèsi

Pou riprésinter no biâ mèsti

Branmint di djins ni savent-nu nén

Qui pou lès cwèfeûs, c’èst leû patron vénéré

I faut bén s’rinde à l’évidince

Qui lès môdes candjent-nu èyèt on ni sondje pus

Eyèt on rouvîye minme dins l’coorporâtion

Qu’il èsteût no Sint patron

Dins l’timps ç’djoû là, nos ancyîns dalîmes à mèsse

Minme lès non-crèyants participînes à l’fièsse

Après, nos nos r'trouvînes au cabarêt

Nos n’pouvîmes mau di  nos lèyînes moru d’swèf

Tèrtous on danseûs, on riyeûs, on buveûs dins l’boune humeûr

Eyèt l’contint’mint rècheût di nos coeûrs

On aveût wârdé l’tradiction di nos tayons

Qu’èst c'qui nos èstînes fiêr d’awè fiesté no sint patron

Pou l’istwêre i l'èsteût in côp Sint Louis…

Avou tous les oneûrs pinsons ène miètte à ly

Eûchons ène souv’nance pou l’cén qui l’paradis

Nos a èvoyî pou nos donner in caûp d’mwin

Du cièl i wète sûr’mint ç’qu’on fét èt choute çu qu’on dit.

Vive Sint Louis, èyèt merçi.

                                                                     Sabam le 29/10/91, N° 184821 L