VIVE SINTE BÂBE

Vos èstèz l’Sinte qui dj’é vèyu l’pus voltîye

Si vos r’vérîz d’su tère ça m’f'reû tint pléji

V’nèz vîre mi fîye

Mès omes is ont tout sèrré dj’vos dit,

L’Roton, St Djacques, Ste Pauline èyèt li p’tit Try.

Vos avèz sti longtimps no mére

Pouqwè nos awèz lèyî tchère ?

On a rasé nos gros tas pîres èyèt nos tèrrils

Qui chèrvît d’monumints à nos èfants

Mins asteûr, nos dérènes souv’nances s’è vont avous les ans

Cès pauves ouyeûx s’è vont en ratchant,

À l’unisson les deûx pîds en avant.

À fwâce d’awè routé à gngno is sont tout vôssi

Dins toutes cès gal’rîyes avalant poussières à dè vômi.

Pou gangnî ène crousse di pwin is èstîs à d’bout

Pou nourrrî leû famîye falêut scaper au caûp d’crisou.

Ho…li mèd’cén ni sé nén fé grand-chôse

Pou l’cén qu’èst pris d’èle silicôse

Eyèt maugré çoulà …si on n’aveût co no caûp d’cayau

Branmint di nos zautes irînes co dins l’trau

Avous toutes ses rûjes, sès pléjis, sès tracas

Dj’èspère qu’in djoû ou l’aute Sinte Bâbe èrvéra.

                                                                          Sabam le 29/10/91   N° 184822 L